هاتف huawei mate10 lite من اكتر الهواتف فى الفترة الاخيرة الى مسمعة مع الناس فى فئة 5500جنيه ياترى بقى الهاتف ده يستحق كل الضجة المثارة حواليه او لا هنبتدى بمميزات الهاتف ده .
مميزات الهاتف
اول ميزة للهاتف ده هيا الشكل الرائع والخامات الجيدة لان الشاشة تقريبا من غير حواف بالابعاد الجديدة 18:9 صحيح ان الشاشة بمقياس 5.9 بوصة لكن متحسش انها كبيرة نهائى الهاتف مسكته فى الايد مريحة جدا وده لان الشاشة طويلة مش عريضة .
تانى ميزة للهاتف الذاكرة الداخلية وهيا 64 جيجا والرام 4 جيجا .
تالت ميزة للهاتف مستشعر البصمة الدقيق جدا زى ما عودتنا هواوى ان مستشعرات البصمة بتاعتها بتكون سريعة ودقيقة
ومكان البصمة جيد جدا تعرف توصله بمنتهى السهولة .
رابع ميزة هيا الكام الامامية وهما كاميرتين واحدة اساسية بدقة 13 ميجا بكسل وثانية بدقة 2 ميجا ودى مخصصة لوضع البورتريه مود والكاميرا بفتحة عدسة 2.0 وبتدى صور جيدة جدا فى الاضائة الكويسة لكن فى الاضائة الضعيفة بيبتدى يظهر النويز .
عيوب الهاتف
اول عيب الكام الخلفية وهما برده كاميرتين كاميرا بدقة 16 ميجا بكسل وكاميرا تانية بدقة 2 ميجا مخصصة لوضع البورتريه
والكام مش بتدى الاداء المنتظر منها فى الاضائة الضعيفة لكن فى الاضائة القوية ادائها جيد ووضع البورتريه مش بالصورة الجيدة والصور مش بتظهر بتفاصيل كافية لهاتف بسعر 5500 ومعمول عليه ضجة بسببب الاربع كاميرات الموجودين فيه والى المفروض يكونوا نقطة قوة للهاتف مش نقطة ضعف .
ثانى عيب ان المعالج من شركة هواوى وهو hikeren 659 ثمانى الانوية اربع انوية بتردد 2.4 للمهام القوية واربع انوية بتردد 1.7 للمهام الخفيفة وهو معالج متوسط مش معمول للشغل التقيل لهواة الشغل التقيل على الهاتف من العاب عالية وبرامج كتير مفتوحة فى وقت واحد .
تانى عيب معالج الرسوم هو mali t830 وهو معالج متوسط مش مخصص للالعاب التقيلة لكن هيشتغل تمام للناس الى مش بتحب الالعاب التقيلة .
رابع عيب للموبايل البطارية بسعة 3340 ملى امبير وهيا مش بتكمل مع الشغل فوق المتوسط 5 ساعات واى فاى وداتا 4 جى وكمان مش بتدعم الشحن السريع .
خامس عيب الهاتف مش بيدعم تشغيل نظارات الواقع الافتراضى vr وده شىء غريب لهاتف ب5500 جنيه .
الخلاصة ان الهاتف ده شكله جميل ادائه فوق المتوسط مش الافضل فى سعره فيه موبايلات بتديلك اداء افضل وكاميرا افضل زى انفينيكس زيرو 5 او سامسونج جيه 7 برو او اوبو f5 لكن ثقة الناس فى شركة هواوى هيا نقطة قوة الموبايل وهيا الى بتديله افضلية فى الاختيار فى الفئة السعرية دى .
ليست هناك تعليقات:
إرسال تعليق