شراكة ما بين شركة جوجل وشركة شاومى لانتاج هواتف من الفئة المتوسطة ونتج عن الشراكة دى هاتف xiaomi mi a1 ومراجعتنا علشان نعرف الجهاز ده فعلا يستحق انه يبقى ملك فئة ال4000 جنيه الى 5000 جنيه ولا لا .
الهاتف اول هاتف من شركة شاومى بييجى باندرويد one ودى اخف واجهة ممكن المستخدم يتعامل معاها لانها بتبقى بدون اى اضافات الى هيا بتقل الجهاز وبتبقى اول هواتف بتحصل على تحديثات جوجل وجوجل هتدعم الموبايل ده لمدة 18 شهر يعنى هيتحدث ان شاء الله لاندرويد اوريو والاندرويد الى بعده .
الهاتف بييجى باندرويد نوجا 7.1.2 وده احدث اصدار فى اندرويد نوجا .
الهاتف بييجى ب4جيجا رام وذاكرة بحجم 64 جيجا بس مش بييجى بخيار تركيب كارت ميمورى منفصل يعنى لازم نضحى بالشريحة التانية علشان نركب كارت ميمورى .
الهاتف بييجى بمعالج سناب دراجون 625 ثمانى الانوية بتردد 2 جيجا هرتز وكارت شاشة ادرينو 506 وده شىء ممتاز بالنسبة لهاتف بسعر 4000 جنيه هيضمن تشغيل العاب بكفائة عالية ومالتى تاسكنج بدون اى لاج بمساعدة كمان واجهة جوجل الخام يعنى الموبايل هيبقى سريع جدا .
الهاتف بييجى ببطارية بسعة 3080 ملى امبير بدون خاصية الشحن السريع البطارية مع الاستخدام الشاق للموبايل بتدى 7 ساعات ونص سكرين اون تايم وده بفضل المعالج الموفر للطاقة وواجهة جوجل الخام .
الهاتف بييجى بكاميرتين فى الخلف واحدة بدقة 12 ميجا بكسل بفتحة عدسة 2.2 وواحدة 12 ميجا بكسل بفتحة عدسة 2.6 مخصصة اكتر لوضع البورتريه مود الكاميرا ادائها ممتاز فى الاضائة الجيدة والمتوسطة لكن فى الاضائة الضعيفة بيبتدى يظهر النويز فيها زوم لحد 2 x بدون متفقد اى تفاصيل فى الصورة بتصور فيديو لحد 4k الكام الامامية بدقة 5 ميجا بكسل وادائها مقبول ولتصور فيديو لحد full hd .
عيوب الهاتف
اول عيب هو مشكلة عدم التحميل من متجر جوجل لكن شركة جوجل وشاومى بعتت تحديث حل المشكلة لكن التحديث الى بعده باظ تانى واتحل بعد كده ومش عارفين هيستقروا امتى .
تانى عيب هو ظهور اصوات غريبة اثناء تسجيل الفيديو فى المناطق الى فيها دوشة يعنى فى الشارع مثلا.
الخلاصة لو بتدور على هاتف سعره كويس وادائه ممتاز وشكله انيق وضامن تحديثاته لسنة ونص قدام من جوجل يبقى xiaomi mi a1 افضل خيار متاح ليك وسعره 4000 جنيه .
ليست هناك تعليقات:
إرسال تعليق