شركة سامسونج اول شركة عرفتنا الاندرويد وهيا اكبر شركة فى المبيعات فى العالم واكتر شركة المستخدم بيثق فى منتجاتها وسامسونج عملتلنا موبايل فى الفئة المتوسطة العليا وهو هاتف samsung j7 pro 2017 وهنراجع مع بعض مزايا وعيوب الجهاز .
جيه 7 برو بييجى بتصميم مبهر الحقيقة بضهر معدنى شاشة 5.5 انش سوبر امولد full hd بدقة بكسلات 401 بكسل فى الانش شاشة رائعة اصراحة من حيث الالوان ووضوح الرؤية زى ما عودتنا سامسونج هتستمتع بيها .
بييجى بمعالج Exynos 7870 ثمانى الانوية بتردد 1.6 هيرتز cortex-a53 وده معالج من صناعة شركة سامسونج من الفئة المتوسطة العليا معالج كويس جدا للاستخدام اليومى والمالتى تاسكنج والالعاب بييجى معاه كارت شاشة mali -t830 mp2 وده كارت من الفئة المتوسطة هيديلك اداء ممتاز فى الالعاب الخفيفة والمتوسطة والعليا على الجودة المنخفضة .
الهاتف بييجى رام 3 جيجا وذاكرة داخلية 32 جيجا مع امكانية اضافة كارت ميمورى حتى 128 جيجا بشكل منفصل وده شىء كويس ومقبول جدا من هاتف فى فئة سعر 5500 جنيه .
الهاتف بييجى بكام امامية بدقة 13 ميجا بكسل بفتحة عدسة 1.9 مع فلاش امامى وده شىء ممتاز بتدى صور ممتازة فى الاضائة الكويسة والاضائة المنخفضة باستخدام الفلاش بتدى صور ممتازة برده وده شىء عودتنا عليه سامسونج والكاميرا الخلفية بدقة 13 ميجا بكسل بفتحة عدسة 1.7 وده بيخلى الكام تستقبل ضوء اكبر فى الاضائة المنخفضة وبتدى اداء ممتاز فى الاضائة الكويسة واداء جيد فى الاضائة المنخفضة ويعتمد عليها .
بطارية الهاتف 3600 ملى امبيربتدى سكرين اون تايم حوالى 8 ساعات مع الاستخدام المتوسط وفوق المتوسط واى فاى والعاب وداتا 4 جى وده رقم ممتاز .
الهاتف بيدعم تشغيل نظارات الواقع الافتراضى vr وبيدعم خاصية otg تشغيل الفلاشات والاجهزة المدعومة .
عيوب الهاتف
مفيش عيوب كتير للهاتف ولكن البطارية لاتدعم الشحن السريع وهتشحن من ساعتين ونص الى 3 ساعات .
الهاتف 3 جيجا رام وذاكرة 32 جيجا بس وده قليل بالنسبة للاجهزة الى بنفس سعره زى هواوى ميت 10 لايت وانفينيكس زيرو 5 الى على الاقل الرام 4 جيجا والذاكرة 64 جيجا بالنسبة للهواوى و6 جيجا رام وذاكرة 64 جيجا ذاكرة لانفينيكس .
الخلاصة هاتف جميل جدا ينصح بيه فى فئة 5500 جنيه شكل رائع امكانيات جيدة كام ممتازة ثقة المستخدم فى شركة سامسونج واجهة هاتف خفيفة بتساعد فى قوة اداء الجهاز.
ليست هناك تعليقات:
إرسال تعليق