ميعادنا النهاردة مع مراجعة لهاتف من اشهر الهواتف فى فئة ال٣٠٠٠ جنيه فى الفترة الاخيرة من شركة شاومى وهو هاتف xiaomi note 4 .
نبتدى بتصميم الهاتف وهو تصميم جيد جدا بييجى بجسم معدنى ولكن مش المعدن الغالى الى يديلك احساس بقيمة الجهاز هو معدن لكن بيبصم جدا مع اللون الاسود .
شاشة الهاتف ips lcd full hd بقياس ٥.٥ ونص بوصة بكثافة بكسلات ٤٠١ بكسل فى الانش والشاشة جيدة بزوايا رؤية جيدة هتديلك انطباع جيد وانت بتتفرج على افلام او بتتصفح .
الجهاز بييجى بواجهة mi ui 8.1 المبنية على اندرويد مارشملوا وفى انتظار تحديثه الى mi ui 9 المبنية على اندرويد نوجا .
الجهاز بييجى برام ٣ جيجا وذاكرة داخلية ٣٢ جيجا وده مقبول جدا فى الفئة السعرية دى .
الجهاز بييجى بمعالج snapdragon 625 بتردد ٢.٠ جيجا هيرتز ثمانى النواة مع معالج رسومى adreno 506 وده هيديلك اداء ممتاز فى كافة استخدامات الهاتف من مالتى تاسكنج والعاب مع ملاحظة انه بيسخن شوية مع استخدام الالعاب التقيلة .
بطارية الهاتف بسعة ٤١٠٠ ملى امبير مع عدم وجود خاصية الشحن السريع فالبطارية هتفضل معاك حوالى ١٠ ساعات سكرين اون تايم شغل فى المتوسط ودم بفضل المعالج الى بيعمل بتقنية ١٤ نانو الموفرة للطاقة.
كاميرا الهاتف الاساسية ١٣ ميجا بيكسل مع فلاش ثنائى بفتحة عدسة ٢.٢ بتدى اداء جيد فى الاضائة الجيدة واداء متوسط او اقل من المتوسط فى الاضائة الضعيفة الكاميرا الامامية ٥ ميجا بيكسل وادائها متوسط .
بصمة الجهاز سريعة ودقيقة وموجودة فى ضهر الجهاز.
الجهاز بيدعم تشغيل نظارات الواقع الافتراضى vr وبيدعم تشغيل فلاشات otg .
الخلاصة انه افضل جهاز بسعر ٣٠٠٠ من حيث الاداء والبطارية والشكل والسوفت وير انما لو حابب الكاميرا اوى وبتحب تتصور كتير يبقى الجهاز ده مش ليك انما غير الكاميرا فده انسب جهاز بالسعر ده .
ليست هناك تعليقات:
إرسال تعليق