من الشركات الصينية الى ابتدت تنتشر فى مصر وبتقدم هواتف بمواصفات ممتازة وباسعار معقولة جدا هيا شركة meizu وهيكون ليها هاتف جديد ومنتظر هينافس فى الفئة الاقتصادية العليا فئة ال٥٠٠٠ جنيه وهو هاتف meizu m6 note ودى مراجعتنا لمواصفات الهاتف .
الهاتف بييجى بتصميم جيد من المعدن بشاشة ips lcd full hd بقياس ٥.٥ بوصة بكثافة بكسلات ٤٠٢ بكسل فى الانش ومن مشاهدتى لمراجعات الهاتف الشاشة جيدة جدا بزوايا رؤية جيدة هتديلك انطباع جيد جدا عند مشاهدة مقاطع الفيديو او التصفح وحساسيتها للمس جيدة جدا .
الهاتف بييجى باندرويد نوجا ٧.١.٢ بواجهة ميزو flyme 6 والواجهة دى تجربة جديدة ومميزة للاندرويد من الخصائص الى بتديهالك ومن التحكم فى كل شىء فى الجهاز عن طريق زرار الهوم والواجهة من اخف واجهات الاستخدام للاندرويد ولا تستهلك كثيرا من الرام .
الهاتف بييجى برام ٤ جيجا وذاكرة ٦٤ جيجا مع امكانية اضافة كارت ميمورى منفصل حتى ٢٥٦ جيجا ودى حاجة ممتازة بالنسبة للفئة السعرية الى فيها اجهزة منافسة كتير .
الجهاز بييجى بمعالج snapdragon 625 ثمانى النواة بتردد ٢.٠ جيجا هيرتز بمعالج رسومى adreno 506 وزى ما هو معروف ان المعالج ده مع كارت الشاشة بيدوا اداء مميز فى الاداء والالعاب واستخدام البطارية.
الهاتف بييجى بكاميرتين اساسيتين واحدة بدقة ١٢ ميجا بكسل بفتحة عدسة ١.٩ وكاميرا بدقة ٥ ميجا بكسل بفتحة عدسة ٢.٠ علشان وضع البورتريه مود وبتصور بدقة 4k الكاميرا ادائها ممتاز فى الاضائة الجيدة وجيد جدا فى الاضائة المتوسطة وجيد فى الاضائة الضعيفة يعتمد عليها .
الكاميرا الامامية بدقة ١٦ ميجا بكسل بفتحة عدسة ٢.٠ بتدى اداء صور سيلفى جيد جدا ويعتمد عليها .
بطارية الهاتف ٤٠٠٠ ملى امبير تدعم الشحن السريع ومن المراجعات قالو انها بتفضل ١٢ ساعة سكرين اون تايم وده رقم خرافى بالنسبة لاى موبايل فى الفئة السعرية دى وده بفضل المعالج الموفر للطاقة والواجهة الخفيفة من شركة ميزو .
بصمة الحهاز فى الامام وتعمل باللمس ومنها بيتم التحكم فى كل اوامر الهاتف .
الهاتف يدعم كافى السينسورات واهمها الجيروسكوب ويدعم خاصية otg تشغيل الفلاشات .
من وجهة نظرى لو الشركة اهتمت بالدعاية للهاتف ده ووفرتله قطع غيار واكسسوارات الهاتف ده هيبقى علامة فى تاريخ شركة ميزو وهيبيع كتير ولازم يتسعر صح علشان المنافسة بينه وبين الشركات المشهورو التانية ..
ليست هناك تعليقات:
إرسال تعليق