لو بتدور على هاتف شاشته جميلة وشكله كويس وكاميرته ممتازة وسعره كويس 2600 جنيه وادائه كويس يبقى اكيد انت بتدور على انفينيكس نوت 4 ودلوقتى معادنا مع مراجعة الهاتف ده .
هاتف انفينيكس نوت 4 شكله وتصميمه كانك ماسك فى ايدك هاتف سامسونج نوت 5 مع فرق خامة التصنيع فالنوت 4 بييجى بضهر بلاستيكى ممكن تشيله علشان تركب الشريحيتن وكارت الميمورى .
بييجى بشاشة بقياس 5.7 بوصة من شركة شارب ips lcd بكثافة بكسلات 368 بكسل فى الانش شاشة ممتازة ونقطة من نقاط قوة الهاتف ده شاشة بالوان مشبعة بتديلك اضائة كويسة وتحس بالمتعة وانت بتتفرج فيها على افلام او حتى وانت بتتصفح او مشغل برامج .
الهاتف بييجى برامات 2 جيجا وذاكرة داخلية 16 جيجا مع امكانية اضافة كارت ميمورى منفصل حتى 128 جيجا بايت وممكن تخليها ذاكرة الجهاز الاساسية .
الهاتف بييجى بمعالج مفضل من انفينيكس زى مايكون معندهاش غيره وهو ميدياتيك 6753 ثمانى الانوية بتردد 1.3جيجا هيرتز مع كارت شاشة mali t820 الاداء مقبول مع المالتى تاسكنج والالعاب المتوسطة والتقيلة على الجودة المنخفضة وده بالنسبة لفئة سعر الهاتف مقبول جدا .
الهاتف بييجى بواجهة تشغيل من انفينيكس xos 2.2 مبنية على انرويد نوجا 7.0 .
الهاتف بييجى بكاميرا خلفية بدقة 13 ميجا بكسل مع فلاش led والكاميرا ادائها ممتاز جدا فى الاضائة الجيدة ومع الاضائة الخفيفة بيبتدى يظهر نويز خفيف ولكن تظل جيدة
وبتصور فيديو حتى دقة 1080 وكام اكامية بدقة 8 ميجا بيكسل ملحقة بفلاش led ادائها ممتاز وتقدر تعتمد عليها فى الصور السيلفى وانت مطمن .
بطارية الهاتف بسعة 4300 ملى امبير مع امكانية الشحن السريع من انفينيكس xcharge ممكن تشحن 50 فى المية من البطارية فى 30 دقيقة والبطارية كلها بتشحن فى ساعتين الا ربع وده رقم ممتاز والبطارية بتدى سكرين اون تايم من 7 ساعات الى 8 ساعات حسب استخدامك وده رقم كويس جدا .
الهاتف بيدعم تشغيل نضارات الواقع الافتراضى vr وبيدعم تشغيل الفلاشات otg.
عيوب الهاتف
اول عيب هو ان ازرار التحكم فى الجهاز غير مضيئة .
تانى عيب وهو ان الجهاز مفيهوش ميكروفون اضافى لازالة الضوضاء .
تالت عيب المعالج المتكرر المعروف بادائه المتوسط ميديا تيك 6753 .
رابع هاتف خامات الهاتف من البلاستيك ومش بتديلك احساس انك ماسك هاتف غالى .
الخلاصة الهاتف ده افضل هاتف فى سعره لو حابب هاتف بكاميرا ممتازة امامية وخلفية وحابب هاتف ببطارية ممتازة وشاشة جميلة جدا وشكل جيد وسعره 2600 ينصح بيه جدا فى فئة السعر دى ويبقى ثقة المستخدم فى شركة انفينيكس الى ابتدت تعلى تماما فى الفترة الاخيرة .
ليست هناك تعليقات:
إرسال تعليق