اول موبايل صناعة مصرية وهيتكتب عليه بكل فخر made in egypt هيكون هاتف sico nile x .
معروف ان شركة sico شركة صينية وعملت اتفاقية مع الشركة المصرية لصناعة السيلكون انهم يعملوا مصنع بمصر فى اسيوط لصناعة موبايلات سيكو وبالفعل بشاير الاتفاقية دى ابتدت تظهر للنور من خلال هاتف sico nile x وزى ما بيقولوا ان نسبة الصناعة المصرية فيه هيا 45 % وده شىء كويس بالنسبة للبداية ونأمل ان النسبة تزيد السنوات الى جاية .
الهاتف زى ما اعلنوا عنه بييجى بشاشة 5.7 بوصة بالابعاد الجديدة 18:9 وده شىء مفاجىء جدا لشركة لسه بتبتدى لكن شىء جيد جدا بس الشاشة hd بس وده شىء غريب وسط المنافسين الشرسين فى فئة سعر 4200 جنيه .
الهاتف هييجى برام 4 جيجا وذاكرة تخزين 64 جيجا بايت وده شىء كويس جدا .
الهاتف بييجى اندرويد نوجا 7.0 بواجهة جديدة اسمها nile os .
الهاتف هييجى بمعالج ثمانى النواة غير معلن عن نوعه ولا تردده ولكن يشاع انه ميدياتيك p25 وغير معلن عن معالج الرسوميات برده .
الهاتف بييجى بكاميرتين فى الخلف واحدة بدقة 13 ميجا بكسل وغير معلن عن فتحة العدسة وكاميرا بدقة 5 ميجا بكسل وبييجى بكاميرا امامية بدقة 8 ميجا بكسل .
الهاتف بييجى ببطارية 2800 ملى امبير مع type c وخاصية الشحن السريع البطارية سعتها قليلة شوية بالنسبة للمنافسين لن الشحن السريع هيعوض الموضوع ده .
الهاتف بييجى ببصمة فى الخلف وتصميم جميل لكن لما شوفت الموبايل فى بعض البرامج واضح انه بيبصم جامد وده يدل ان خامات الجهاز مش جيدة اوى .
اول هاتف صنع فى مصر الهاتف هياخد فترة لحد ما يوصل لثقة المستخدم ولازم يتسعر كويس عن كده لان سعره 4200 غالى شوية لان فيه شركات منافسة كتير بموبايلات اعلى فى الامكانيات وبسعر ارخص ولكن يبقى دعم المصريين للموبايل علشان متتوقفش صناعة كنا بنتمنى نلاقيها فى بلدنا من زمان .
ليست هناك تعليقات:
إرسال تعليق